Үндэсний эрх чөлөө, тусгаар тогтнолоо сэргээн мандуулсны 106 жилийн ойн өдөрт хүндэтгэл үзүүлнэ

Үндэсний эрх чөлөө, тусгаар тогтнолоо сэргээн мандуулсны 106 жилийн ойн баярыг тохиолдуулан Зон Олны нам уламжлал ёсоор Их эзэн Чингис хааны хөшөөт дурсгалд хүндэтгэл үзүүлнэ. 1911 оны 12 дугаар сарын 29-нд Монголын эх орончдын шаргуу үйл ажиллагааны үр дүнд Монгол Улс тусгаар тогтнолоо сэргээн мандуулж, өнөөгийн олон улсад хүлээн зөвшөөрөгдсөн бүрэн эрхт тусгаар улсын үндэс суурийг тавьж, тусгаар тогтнолоо бататган бэхжүүлэхийн төлөөх зуун дамжсан их үйл хэргийн эргэлт буцалтгүй эхлэл байсан юм.